"Ливерпуль" "Реал"нинг режаларини бузмоқчи

"Ливерпуль" ҳимоячи Трент Александер-Арнолд билан шартномасини узайтириш устида ишламоқда. Transfer News Live, CaughtOffside'га таяниб хабар беришича, Мерсисайд клуби Трентга яхшиланган шартнома таклифини берди, унда йилига тахминан 20 миллион фунт миқдорида маош кўзда тутилган.

Шу билан бирга, "Реал" Трентни келгуси ёзда эркин агент сифатида имзолаш учун ҳаракатга киришган. Мадрид клуби январ ойида футболчининг вакиллари билан учрашув ўтказишни режалаштирмоқда. Ушбу ойда 26 ёшли футболчи чет эл клублари билан музокараларни эркин олиб бориш ҳуқуқига эга бўлади, чунки унинг шартномасининг тугашигача олти ойдан кам вақт қолган.

Жорий мавсумда англиялик фулбек АПЛда 14 та учрашувда 3 та ассист амалга оширди. Transfermarkt портали уни 75 миллион еврога баҳоламоқда.