“Локомотив” эртага янги футболчиларини оммага таништиради
Ads

 

Давралар оралиғига мусобақа жадвали пешқадами сифатида йўл олган “Локомотив” иккинчи даврани ҳам кўтаринки руҳда ўтказиб, ўтган йилги муваффақиятларни такрорлаш ниятида.

Шу боисдан жамоа давралар оралиғида таркибни кучайтиришга ҳам алоҳида эътибор қаратди. Натижада “темирйўлчилар” сафида бир қатор янги футболчилар пайдо бўлди. Жумладан, “Локомотив” нигериялик ҳужумчи Олабиран Блессинг Муйива, ёш истеъдод эгалари – Бобир Давлатов ҳамда Идрис Бикмайкин билан шартнома имзолади. Шунингдек, тажрибали мутахассис Андрей Фёдоров жамоамиз мураббийлар штабида иш бошлади. 

Эртага “Локомотив” жамоага келиб қўшилган янги футболчиларни таништирув маросимини ўтказади. Тақдимот маросими “Локомотив” стадиони матбуот анжуманлар залида бўлиб ўтади. Унинг бошланиш вақти – 12:00.

Янги ўйинчиларимизнинг таништирув маросимига барча турдаги ОАВ вакилларини таклиф этилади.