“Локомотив” Минскда машғулотларни давом эттирмоқда

“Локомотив” Олий Лига иккинчи даврасига ҳозирлик жараёнини давом эттирмоқда.

"Локомотив" жамоаси айни пайтда Беларусь пойтахти Минск шаҳрида ўқув-машғулот йиғини ташкил этмоқда. "Темирйўлчилар" кунига икки маҳалдан шуғилланишмоқда. Машғулотларда жами 24 нафар футболчи қатнашмоқда. Бу ҳақда клуб расмий сайти хабар бермоқда.

Бугун ҳам Минск футбол академияси майдонида машғулот ўтказилди. Унда дастлаб барча енгил югуриб олди. Сўнгра чигалёзди машқлари ўталди. Кейин эса бор эътибор тўп билан муомала ҳамда тактик машқларга қаратилди.

Эртага “Локомотив” Минск йиғини доирасидаги илк назорат учрашувини ўтказади. Унда жамоамизга Могилёв шаҳрининг “Днепр” клуби рақиблик қилади.