Лукаку Италиянинг бошқа бир клубига ўтиши мумкин

Келажаги номаълумлигича қолаётган Ромелу Лукакуга "Ювентус" қизиқяпти. У Душан Влаховичга ўринбосар сифатида кўрилмоқда, дея хабар берди "Calcio Mercato" нашри. 

Бельгиялик футболчи "Интер" билан ижара муддати тугади ва "Челси"га қайтиши керак, лекин у бошқа клубга ўтишни хоҳламоқда. Лукакуга Саудия Арабистонидан  таклифлар бор. Шунингдек, "Милан" ҳам ҳужумчини сотиб олишни ўйламоқда.  

Эслатиб ўтамиз, Влаховични ўз таркибига қўшиб олмоқчи бўлган жамоалар орасида "Челси" ҳам мавжуд. "Аристократлар" янги страйер қидирмоқда.