Макс Холлоуэй Ислом Махачевни жиддий тарзда танқид қилди

14 апрель тонгида Жастин Гэтжига (25-4) қарши жанг қиладиган UFCнинг ярим енгил вазн (65,8 кг)тоифаси собиқ чемпиони Макс Холлоуэй (25-7) енгил вазнни (70,3 кг) амалдаги чемпиони Ислом Махачевни (25-1) жиддий танқид қилди.

“Сен февралда Жастин Гэтжи билан жанг қилишинг керак эди! Хаттоки, ўша сен нокаут қилган Александр Волкановски ҳам тезда қайтди. Аслида, сен соғлом эдинг. Жароҳатинг йўқ эди ва февраль ойида октагонга чиқишинг керак эди. Рамазон ойида машғулот ўтказмаслигини ҳамма билади. Бироқ, сен доим рақиб йўқ деб нолийсан. Ваҳоланки, сен фақат ўзинг хоҳлаган вақт жанг қилишни мўлжаллайсан. Ҳақиқат шундак-ки,сенга жанг бўйича таклифлар беришади, лекин  рад жавобини берасан”,-деди Холлоуэй.