"Манчестер Сити" "бомба" трансферга тайёр

Хосеп Гвардиола келгуси ёзда "Манчестер Сити" таркибини қайта қуришни режалаштирмоқда. Мураббий ёзда клубни тарк этиши кутилаётган Кевин де Брюйне ўрнига "Байер"нинг ёш ва иқтидорли футболчиси Флориан Вирцни таркибда кўришни истайди.

"Bild" нашрининг хабар беришича, "Байер" 21 ёшли футболчи билан шартномани узайтириш бўйича музокаралар олиб бормоқда. Унда 2026 йил ёзидан бошлаб кучга кирадиган 125 миллион евро миқдоридаги сотиб олиш банди кўрсатилиши мумкин.

Футболчининг маоши сезиларли даражада ошиши кутилмоқда. Агар Вирц билан келишувга эришилмаса, клуб ёзда ўйинчини 150 миллион еврога сотишга тайёр.

Маълумот учун, Флориан Вирцнинг немис клуби билан амалдаги шартномаси 2027 йилнинг ярмига қадар мўлжалланган.