"Манчестер Сити" ўз дарвозабонига нарх белгилади

"Манчестер Сити"нинг чемпионликларига ўз ҳиссасини қўшган Эдерсон ёзда бошқа клубга кўчиб ўтиши мумкин.

Ушбу мавсумда "шаҳарликлар" қониқарсиз натижаларни қайд этмоқда. Гвардиола эса жамоани тубдан ўзгартиришни мақсад қилган. Биринчи навбатда мураббий дарвоза чизиғини кучайтирмоқчи. Жорий йилда етарлича ишончли ўйин кўрсатмаётган Эдерсон ёзда сотилиши мумкин. Клуб бразилялик дарвозабон учун 30-35 миллион евро нарх белгилаган. 

Посбоннинг инглиз жамоаси билан амалдаги шартномаси 2026 йилнинг ёзида ўз ниҳоясига етади. Унинг Трансфермаркт порталидаги нархи 30 миллион евро.