“Манчестер Сити”: Шу юлдузни қўлдан чиқармайлик!

“Манчестер Сити” бош мураббий Хосеп Гвардиола томонидан жамоага янги сардор этиб тайинланган Бернарду Силванинг келажаги бўйича бир қарор келди.

Португалиялик юлдузнинг клуб билан шартномаси мавсус охирида якунланади. Аввалроқ Бернарду Силванинг номи авлодлар алмашинуви жараёнида клубдан кетиши керак бўлган ўйинчилар рўйхатига киритилган эди.

Ёзда эркин агент мақомини оладиган ўйинчига Европанинг бир неча клублари даъвогар бўла бошлади. Улар январь ойидаёқ музокара бошлашга шай турибди.

Гвардиола клуб раҳбариятидан Бернардуни узоқ муддат жамоада олиб қолишни сўраяпти.

- Бернарду Силва футболни чуқур тушунадиган ўйинчи ва бунақалар жуда кам. У лойиҳамизнинг асосий фигураларидан. Силвани узоқ муддат олиб қолиш керак, - деди Пеп Гвардиола.

Бернарду Силва “Манчестер Сити”га 2017 йили “Монако”дан 43 миллион фунт эвазига олиб келинган. Ҳужумкор футболчи устози Гвардиола қўл остида 340 дан зиёд учрашувларда иштирок этиб, ўз ҳисобига 60 тадан гол ва ассист ёздириб қўйган.

31 ёшли ўйинчига айни пайтда “Бенфика” ва “Ювентус” каби клублардан жиддий қизиқиш бўлаётгани ҳақида хабарлар тарқала бошлади.