"Манчестер Юнайтед" Каземирога ўринбосар топди

"Манчестер Юнайтед" ёзги трансферлар ойнаси учун режаларини тузмоқда. "Қизил иблислар" жамоадаги энг кўп маош олувчи футболчилардан бири Каземиро билан хайрлашишни режалаштиряпти.

Испаниянинг "Sport" нашри хабарига кўра, манкунианликлар бразилиялик ярим ҳимоячининг ўрнига Жошуа Киммихни олиб келмоқчи. 29 ёшли немиснинг "Бавария" билан амалдаги шартномаси 2025 йилнинг ёзига қадар мўлжалланган. Киммихга "Барселона" ҳам қизиқиш билдирмоқда, бироқ каталонияликлар иқтисодий муаммолар сабаб бу трансферни амалга ошириши қийин бўлади.

Эслатиб ўтамиз, Жошуа жорий мавсум Бундеслигада 20 та ўйин ўтказиб, битта гол урди ва 5 та голли узатмани амалга оширди.