“Manchester Yunayted” va “Chelsi” kutilmagan ishga qo‘l urmoqda

“Manchester Yunayted” va “Chelsi” rahbariyati bosh murabbiylar – Erik ten Xag va Entso Mareskaga kerak bo‘lmay qolgan futbolchilarni o‘zaro alishtirishga qaror qildi.

“Aristokratlar” manchesterliklar tarkibida o‘yin amaliyotiga ega bo‘lmayotgan qimmatbaho yulduz Jeydon Sanchoni o‘z safiga qo‘shib olishga tayyor.

Bu futbolchi o‘rniga londonliklar Rahim Sterling yoki Ben Chiluellni “Manchester Yunayted”ga yuboradigan bo‘lyapti.

Yaqinda “Chelsi” ustozi Entso Mareska bu ikki futbolchi o‘yin amaliyotiga ega bo‘lish uchun boshqa jamoaga ketishi  kerakligini uqtirdi.

Agar kelishuv amalga oshadigan bo‘lsa, Jeydon Sancho faoliyatini London klubida davom ettiradi. Manchesterliklar esa, uning o‘rniga hujumkor futbolchi hisoblangan Rahim Sterlingni olishga moyillik bildirmoqda.