Манчестерликлар дебютантни аямади

Чемпионлар лигаси 2026/2027 йилги мавсум умумий босқичининг 1-туридан ўрин олган “Манчестер Юнайтед” ва “Сабах” ўртасидаги учрашув якунланди. Ўйин Англиянинг Манчестер шаҳридаги машҳур “Олд Траффорд” стадионида бўлиб ўтди. Учрашувда бош ҳакам вазифасини франциялик Вилли Делажо бажарди. Мезбонлар 4:0 ҳисобида ғалаба қозонди.

27-дақиқада “Манчестер Юнайтед” ҳужумчиси Матеус Кунья ҳисобни очди. 43-дақиқада жамоа сардори Бруну Фернандеш манчестерликларнинг устунлигини мустаҳкамлади. Орадан икки дақиқа ўтиб, ҳужумчи Беньямин Шешко ҳисобни йирик кўринишга келтирди. 68-дақиқада ҳимоячи Лисандро Мартинес манчестерликларнинг тўртинчи голини урди.

Бу ўйин “Сабах”нинг Чемпионлар лигаси умумий гуруҳидаги биринчи учрашуви бўлди.

Умумий босқичнинг 2-турида “Манчестер Юнайтед” 13 октябрь куни Мадриднинг “Атлетико”си билан сафарда учрашади, “Сабах” эса шу куни Праганинг “Славия”сига қарши уй ўйинини ўтказади.