Мареска Гвардиоладан “Сити”ни қабул қилиб оладими?

“Челси”нингсобиқ бош мураббийи Энцо Мареска келажаги ва тез орада “Манчестер Сити”ни қабул қилиши мумкинлиги ҳақидаги саволларга жавоб қайтарди.

-  Ҳозир май ойи, чемпионатлар якунига етмоқда. Мен эса дам оляпман ва кейинги ишга тайёргарлик кўряпман, - деди Мареска.

Ундан Италияга қайтиш истаги ҳақида ҳам сўрашди.

- Мен футболчи сифатида тўрт давлатда, мураббий сифатида эса икки-уч мамлакатда ишладим. Энг яхши мослашган жойим Англия бўлди. Кейин нима бўлишини кўрамиз, - деди италиялик мутахассис.

“Манчестер Сити”дан қўнғироқ бўлсачи?” деган саволга Мареска шундай жавоб берди:

- Ҳозир қайси клуб қўнғироқ қилишидан қатъи назар, энг муҳими – ўзингни ишга тайёр ҳис қилиш. Яқин ҳафталарда нима бўлишини кўрамиз.

Аввалроқ, Мареска жорий мавсум якунланганидан кейин Пеп Гвардиоланинг ўрнини эгаллаши мумкин бўлган асосий номзодлардан бири сифатида кўрилаётгани ҳақида хабарлар тарқалган эди.