Мареска Холандни алмаштира оладиган ўйинчини айтди
«Манчестер Сити» бош мураббийи Энцо Мареска жамоа ҳужум чизиғида Фил Фодендан ҳам фойдаланиш эҳтимоли борлигини маълум қилди. Унинг сўзларига кўра, инглиз футболчиси зарурат туғилганда Эрлинг Холаннга алтернатива сифатида марказий ҳужумчи позициясида майдонга туширилиши мумкин.
«Фоден бу мавқеда олдин ҳам ўйнаган, шунинг учун яна у ерда ҳаракат қилиши мумкин. Лекин ҳозирча бизнинг асосий ҳужумчимиз — Эрлинг Холанн», — дея Маресканинг сўзларини келтиради City Xtra.
Жорий мавсумда Фил Фоден барча мусобақалар ҳисобга олинганда етти ўйинда майдонга тушди. У бир бор рақиб дарвозасини ишғол этди ва икки марта голли пас билан жамоадошларига ёрдам берди.
20 октябрь куни «Манчестер Сити» Чемпионлар лигаси гуруҳ босқичи учинчи турида ўз майдонида юнон клуби АЕКни қабул қилади.
Фикрлар