Маррада ким биринчи?

Фарғона вилоятида велоспортнинг шоссе йўналиши бўйича 2009-2010 йилларда туғилган ўсмирлар ўртасидаги Ўзбекистон чемпионати бошланди.

Мусобақанинг биринчи кунида велоспортчилар индивидуал вақт пойгасида иштирок этди. 15 км масофада ташкил этилган пойгада Саломбек Ҳасанов маррага 20 дақиқа 15 сонияда биринчи бўлиб етиб келган бўлса, Эмил Валишин 16 сония кечга қолган ҳолда финиш чизиғини босиб ўтди. 20 дақиқа 46 сония натижа қайд этган Аҳад Азизов кучли учликни якунлаб берди.

Чемпионат доирасида бугун спортчилар 70 км масофага гуруҳ пойгасида иштирок этади. Мамлакатимизнинг турли ҳудудларидан келган 100 нафарга яқин велоспортчилар иштирок этаётган Ўзбекистон биринчилиги 28 март кунига қадар давом этади.