Машҳур юлдуз “Барса”ни алдади

“Барселона”нинг асосий дарвозабони Марк-Андре тер Штеген мавсум бошланишига қисқа фурсат қолганида белидан операция қилиниши кераклигини айтди.

Клуб раҳбарияти немис посбонининг бу хатти-ҳаракатидан ҳайрон қолди. Гап шундаки, тер Штеген клубга бу хабарни бир қарорга келиб бўлганидан кейин айтган.

Mundo Deportivo нашрининг ёзишича, “Барселона” ёзги трансферлар вақтида Марк-Андре тер Штегенни сотиб юбориш орқали маошлар фондини қисқартириш ва ғазнага тушум қилишни режалаштирган эди.

Каталония клуби мутасаддилари Марк-Андре тер Штеген уларни алдаб, қайдномадан тушиб қолмаслик учун уч ой давомида жароҳатдан тикланиши ҳақида эълон берган. Аммо мутахассислар бу турдаги жароҳатдан қутилиш учун камида 5 ой керак бўлишини таъкидламоқда.

Агар узоқ муддат даволанадиган футболчи чемпионат қайдномасига киритилмаса, “Барселона”да янги ўйинчиларни рўйхатдан ўтказиш учун қўшимча имконият бўлар эди.

Кейинги пайтда германиялик голкипернинг клуб билан муносабати бузилган. Бунга бош мураббий Ханс-Дитер Флик уни асосий дарвозабон ўрнида кўрмаётганини айтгани сабаб бўлди.