Маурицио Сарри: “Челси” ўйин давомида назоратни сақлашни ўрганиши керак

“Челси” жамоаси бош мураббийи Маурицио Сарри “Саутгемптон”га қарши (3:0) кечган АПЛ 8-тур ўйинидан кейин ўз фирклари билан ўртоқлашди.

“Жамоадан шу каби ўйинни кутаман. Тўпни тез ҳаракатлантирдик, бир ёки икки узатма билан тўпни рақиб дарвозаси томон етказдик. Ўйлашимча, менинг футболим айнан шундан кўринишда бўлиши керак.

Ўйин давомида тўпни назорат қилишни ўрганишимиз лозим. “Челси” ҳимояда ва ҳужумда яхшироқ ўйнай олиши мумкин. Учта ёки тўртта қарши ҳужумни амалга ошириш имкониятини йўққа чиқардик. Шу сабабли ўз устимизда ишлашда давом этишимиз керак бўлади”, – деди италиялик мутахассис.