Мбаппе афсонавий Роналдодан ўзиб кетди

Испания чемпионатининг 21-турида “Реал” сафар учрашувида “Вильярреал” билан куч синашиб, мезбонларни 2:0 ҳисобида мағлуб этди. Мадридликларга ғалаба келтирган ҳар икки голни Килиан Мбаппе киритди.

Франциялик ҳужумчи Ла Лиганинг жорий мавсумдаги умумий голлари сонини 21 тага етказиб олди ва тўпурарлар пойгасида катта устунлик билан пешқадамлик қилмоқда.

Бундан ташқари, Мбаппе фаолияти давомида урган голларининг умумий сони бўйича бразилиялик машҳур футболчи Роналдони ортда қолдирган эди. Роналдо фаолиятини якунлаган даврда унинг ҳисобида кирилган тўплар сони 414 тани ташкил қиларди. Бу кўрсаткичга эришиш учун афсонавий утболчи 616 та учрашувда майдонга тушган.

Килиан “Вильярреал” дарвозасига киритган дублидан кейин умумий голлари сонини 416 тага етказиб олди. Бунинг учун маҳоратли футболчига 549 та ўйин керак бўлди.