Мбаппе Бенземанинг ишини қилди

Испания чемпионатининг олтинчи турида “Реал” футболчилари ўз мухлислари кўз ўнгида “Эспаньол” жамоасини 4:1 ҳисобида мағлуб этди.

Мадридликларнинг охирги голини Килиан Мбаппе 11 метрлик нуқтадан киритди.

Opta Sport марказининг маълум қилишича, Мбаппе ўз ҳамюрти Карим Бенземанинг рекордини такрорлади. Франциялик ҳужумчи XXI асрда Ла Лиганинг кетма-кет учта учрашувида пенальтидан гол урган.

Аввалги рекорд соҳиби Карим Бензема 2022 йилнинг март-апрель ойларида ана шундай кўрсаткич қайд этган эди.

Қизиғи шундаки, Килиан Мбаппе “Реал”да Карим Бензема ўйнаган 9-рақамни олган.