Мбаппе бу жамоага тўғри келмайди

Англия терма жамоаси собиқ футболчиси Глен Жонсон “Ливерпуль” жамоасининг Килиан Мбаппега қизиқаётгани ҳақидаги хабарларга муносабат билдирди.

- “Ливерпуль” Килиан Мбаппени трансфер қилиш учун кетадиган суммани сарфлашини ҳеч тасаввур қила олмайман.

Клубдагилар янги ўйинчиларни олишга стратегик ёндашади. Улар футболчи ҳақидаги статистик маълумотлар, истиқболда кутилаётган вазиятларни таҳлил қилиб чиқади ва фойдали трансферларга қўл уради. Бу сиёсат ҳозиргача самара бериб келган.

“Ливерпуль” Мбаппени олиш учун орқа-олдига қарамай ҳаракат қиладиган клуб эмас, деб биламан.

Мбаппе Юрген Клопп қўллаётган прессингга асосланган ўйин услубига мос тушадими? Килиан ПСЖда ҳеч қачон юқори даражада прессинг кўрсатмаган. Қолаверса, унинг ўзи бу услубда ўйнашни истайдими?, - деди Глен Жонсон.