Мбаппе: Кеч қолдик

ПСЖ ҳужумчиси Килиан Мбаппе Европа Чемпионлар лигаси гуруҳ босқичида Италияда “Милан” жамоасига қарши ўтказилган ўйиндаги мағлубиятдан кейин ўз фикрларини билдириб ўтди.

Учрашувда мезбонлар 2:1 ҳисобида ғалаба қозонди.

- Мағлубият ҳар доим оғир бўлади. Биз хафамиз. Сафардаги учрашув оғир бўладими? Буни билмайман.

Биз ғалаба қозониш учун бор имкониятимизни ишга солдик, ўхшамади. Иккинчи голни уришга ҳаракат қилдик, лекин жуда кеч қолдик, - деди Килиан Мбаппе.

Гуруҳда тўртта ўйинда 7 очко жамғарган Дортмунднинг “Боруссия” клуби етакчилик қилмоқда. ПСЖ улардан бир очко кам жарғанган. “Милан” парижликларни мағлуб этганидан кейин очколари сонини бештага етказди ва кейинги босқичга чиқиш имкониятини сақлаб қолди.