Мбаппе мағлубият сабабларини очиб ташлади

Франция терма жамоаси ҳужумчиси Килиан Мбаппе 2026 йилги жаҳон чемпионати ярим финалида Испанияга қарши учрашувда (0:2) қайд этилган мағлубият юзасидан фикр билдирди.

- Биз майдонда режалаштирган ўйинимизни кўрсата олмадик: на тактикада, на техникада, на умумий ўйин сифатида. Жаҳон чемпионати ярим финалида бажаришинг керак бўлган ишни қилмасанг, ғалаба ҳам келмайди. 

Испания ўз услубига содиқ қолди: тўпни назорат қилишни, ўйин суръатини белгилаб боришни яхши кўрадиган жамоа. 

Биз уларга юқори босим ўрнатиб, секин суръатда ўйнашга йўл қўймасликни режалаштирган эдик, аммо бу режа иш бермади. Техник хатолар жуда кўп бўлди, керак пайтда уларга қандай зарар етказишни билмадик.

Биз уларга ўйин темпини белгилашга имкон бериб қўйдик, кучлар нисбатини ўз фойдамизга ўзгартиришимиз керак эди, айнан шу ерда ютқаздик. 

Ўйин бошиданоқ босим, ҳужумларимиз шакли туфайли ярим ҳимояда доимий равишда учга икки вазияти юзага келди, Испанияга қарши эса бу жуда қийин. Фабиан Руис ва Родри жуда кўп бўш вақт ва маконга эга бўлишди, прессингда ўзаро тушуниш етишмади. Биз яккама-якка ўйнашимиз, уларни биз билан бирга югуришга мажбур қилишимиз керак эди, чунки бу жамоа тўпсиз югуришни ёқтирмайди. Ҳатто тўпни қайтариб олган пайтларимизда ҳам биринчи паслар, биринчи қабуллар жаҳон чемпионати ярим финали даражасига мос бўлмади. Мана шу омилларнинг барчаси йиғилиб, мағлубиятга олиб келди, — дея Мбаппенинг сўзларини M6 манбасига таяниб RMC Sport келтиради.