Мбаппе ўйинлар тақвимининг зичлигидан норози

Килиан Мбаппе футболчилар учун зич тақвим муаммога айланиши мумкин деб ҳисоблайди.

- Биз ўз фикримизни билдирамиз, лекин жавоб сифатида: "Сиз катта пул ишлайсиз, шунинг учун ўйнайверасиз", деган гапни эшитамиз. Бундай суръатда биз йиллар давомида муҳокама қилиб, ҳеч нарса ўзгармай қолаверади.

Гап фақат ўйинларда эмас, балки тикланишда ҳам. Июль ойи ўрталарида клублар щртасидаги жаҳон чемпионатида биз чорак финалда ўйнадик, бошқа жамоалар эса мавсумолди ўйинларини ўтказаётган эди. Балки мен адашаётгандирман, лекин бу ерда муаммо борлигини ҳис қилдим, - деди "Реал" ва Франция терма жамоаси ҳужумчиси.