Мбаппе: "ПСЖдан кетиш деярли имконсиз эди"

Мадриднинг "Реал" клуби ва Франция терма жамоаси ҳужумчиси Килиан Мбаппе собиқ жамоаси ПСЖ ҳамда клуб президенти Носир Ал-Хелаифий ҳақида фикр билдирди.

Футболчининг таъкидлашича, Ал-Хелаифий унинг ҳаётида муҳим ўрин тутади.

"Ҳамма фақат якунни эслайди ва бу табиий ҳолат. Чунки ПСЖдан кетиш деярли имконсиз эди. Мен клубни тарк этганимдан кейин шундай вазият юзага келишини билардим. Аммо ростини айтсам, Носир мен ва оилам учун жуда кўп иш қилган", — деди Мбаппе.

Шунингдек, франциялик юлдуз қуйидагиларни ҳам қўшимча қилди:

"Агар ким биландир низо юзага келса ва мен ўзимни ҳақ деб ҳисобласам, масалани охиригача олиб боришдан қўрқмайман. Аммо барчасини аралаштириб юбормаслик керак. Мен Носирни ҳурмат қиламан. Чунки бугун "Реал"да ўйнаётганим ва Франция терма жамоаси сардори бўлганимга қарамай, ПСЖ ва Носир Ал-Хелаифий ҳаётимда муҳим ўрин эгаллайди."

Маълумот учун, Мбаппе 2017–2024 йиллар давомида парижликлар шарафини ҳимоя қилган. У эркин агент сифатида "қироллик клуби"га ўтгач, томонлар ўртасида молиявий низо келиб чиққан. 2025 йил декабрида Париж суди футболчи фойдасига қарор чиқариб, ПСЖни 61 миллион евро қарздорликни тўлашга мажбур қилган