Мбаппе “Реал”дагиларга ишонмаяпти

Мадриднинг "Реал" клуби франциялик ҳужумчиси Килиан Мбаппе клуб шифокорларига бўлган ишончини йўқотди ва жароҳатланган тиззасини тўлиқ даволамагунча майдонга қайтмоқчи эмас. Бу ҳақда Cadena SER маълумотларига таяниб, Footmercato хабар берди.

Манбага кўра, тизза пайларининг чўзилиши ҳужумчини декабрь ойидан бери безовта қилмоқда, у аввалроқ бу борада маҳаллий мутахассис билан маслаҳатлашиш учун Парижга учиб кетган.

Килиан Мбаппе жорий мавсум "Реал"нинг барча мусобақалардаги 33 ўйинида 38 гол ва олтита голли узатмага муаллифлик қилди. Франциялик футболчи "Реал" сафида 2024 йилдан буён тўп суриб келмоқда. Аввалроқ, 27 ёшли ҳужумчи ПСЖ ва "Монако" клубларида ўйнаган.