Мбаппе ва Неймар ПСЖ раҳбарининг асабига ўйнаяпти

ПСЖ раҳбарияти Кмлиан Мбаппе ва Неймарнинг хатти-ҳаракатларидан норози бўлмоқда. Айниқса, 22 ёшли франциялик ҳужумчи беқарорлиги билан клубни ноқулай аҳволга қўймоқда. Яқинда ПСЖ хўжайинлари Мбаппенинг шартига кўниб, унга йилига 30 миллион евро қўлига тегадиган маош ажратишга ваъда берганди.

Шунга қарамай, Мбаппе яна янги битимни имзолашдан бош тортди. Бу Неймарнинг ҳам келажагига таъсир қилмоқда. Бразилиялик юлдуз ҳам бири неча бор Парижда қолишини таъкидлаганига қарамай, янги шартномани имзолашни пайсалга солмоқда.

Ҳар икки футболчининг клуб билан келишуви келаси йилнинг июнида якунланади. Жорий мавсум якунланиши билан Мбаппега гранд клублардан таклифлар бўлади. Неймарга аниқ харидор йўқ. Агар улар мавсум якунлангунича янги битимни имзоламаса, ПСЖ уларни ёзда сотиб юборишга мажбур бўлади.