Мбаппе Винисиусни ёнини олди

"Реал" ҳужумчиси Килиан Мбаппе Ла Лиганинг 20-туридан ўрин олган "Леванте"га (2:0) қарши ўйиндан сўнг жамоадоши Винисиус Жуниорни омма олдида ҳимоя қилди.

Винисиусни ўз мухлислари ҳуштакбозлик қилишдими? Бу унинг айби эмас. У фантастик ўйинчи. У ажойиб йигит, мен уни таниганимдан бахтиёрман ва уни жуда яхши кўраман. Биз жамоада уни яхшироқ ҳимоя қилишимиз керак, токи у ҳаммага қарши ёлғиз қолмасин. У "Реал"да ёлғиз эмас", - дея Мбаппенинг сўзларини келтиради журналист Фабрицио Романо ўз саҳифасида.

Аввалроқ ОАВда Винисиус "Қироллик клуби" мухлисларининг бундай муносабати фонида "Реал"ни тарк этишни истаётгани ҳақида хабарлар тарқалган эди.