Мбаппе юбилей голини урди

Франция "Евро-2024" саралашидан ўрин олган Гибралтарга қарши ўйинда 14:0 ҳисобида ғалаба қозонишга муваффақ бўлди. Ўйинда Килиан Мбаппе 3 марта меҳмонлар дарвозасига тўп киритган бўлса, 3 та ассист ҳам амалга оширди. 

Шу тариқа, ҳужумчи фаолиятидаги юбилей 300-голини урди. Шу билан бирга 24 ёшли футболчи 17-марта хет-трик қилди. Учрашувдан кейин Мбаппе шу ҳақида гапирди. 

"Баъзи футболчилар фаолияти давомида 800 ёки 850 та гол урган... 300 бу шунчаки кулгили. Мен ўсишда давом этиб, клуб ва терма жамоам учун фойда келтиришим керак", - деди Килиан.