Meni “Real”ga qaytaringlar

“Arsenal”da ijara asosida to‘p surayotgan ispaniyalik yarim himoyachi Dani Sebalos londonliklar safini tark etishni istamoqda. Uning kelishuvi 30 iyun kuni yakuniga etadi.

U Madridga qaytib, “Real” asosiy tarkibidan joy olish uchun kurashmoqchi.

- Men asli “Real” o‘yinchisiman. Dunyodagi har qanday futbolchi “Real”da o‘ynashni istaydi. Meni klub bilan yana uch yillik shartnomam bor. Men “Real”ning yangi etakchisi bo‘lishga tayyorman, - dedi  23 yoshli futbolchi.

Sebalos joriy mavsumda “Arsenal”da 24 ta o‘yinda bitta gol va ikkita golli pasga mualliflik qildi.