Мен Неймардан зўрман, Роналдудан кучлиман, Месси ҳам зўрлигини исботлаб қўйсин

Бразилия терма жамоасининг собиқ ҳужумчиси Эдилсон фаолияти чўққиси даврида  дунёнинг энг яхши футболчиларидан бири бўлганини таъкидлади.

Фаолиятим чўққисида Неймардан зўр ўйнаганман. Неймар мендан устун бўлиши учун жаҳон чемпионатида ғолиб чиқиши керак. Менда ўзига хос хусусиятлар бор эди. Месси ҳам мендан зўрлигини исботлаши учун жаҳон чемпиони бўлиши керак. Роналду кучли футболчи, икки оёғида ҳам яхши ўйнайди, лекин техникам уникидан кучли, - деди Эдилсон.

49 ёшли бразилиялик футболчи терма жамоаси билан 2002 йилда жаҳон чемпиони бўлган. У Европада бир мавсум – 1994-1995 йилларда “Бенфика” таркибида тўп сурган.