Мэнни Пакьяо рингга қайтади, рақиб...

WBC президенти Маурисио Сулаймон филиппинлик бокс афсонаси Мэнни Пакьяо ва америкалик Марио Барриос ўртасидаги жангни эълон қилди.

"Мазкур баҳс июль ойида бўлиши мумкин. Мэнни фаолиятини ташкилотимиз чемпиони сифатида якунламоқчи. У тиббий кўрикдан ўтди ва Невада штат атлетика комиссияси томонидан жангларда иштирок этиш учун рухсат олди” - деди Бутунжаҳон бокс кенгаши (WBC) президенти.

Эслатиб ўтамиз, 46 ёшли Пакьяо саккиз вазн тоифасида собиқ жаҳон чемпиони ҳисобланади. Барриос эса 2023 йил сентябрида Йорденис Угасни мағлуб этиб, чемпионликни қўлга киритганди. Ўтган йилнинг ноябрида Абель Рамосга қарши жанг қилиб, дурранг натижа қайд этди.