Месси "Барселона"да шуғулланмайди, чунки...

Аргентиналик ҳужумчи Лионель Месси янги шартнома имзоламагунча "Барселона" билан машғулот ўтказмайди. Бу ҳақда Mundo Deportivo нашри хабар тарқатмоқда.

Юқоридаги манбанинг ёзишича, эртага, 2 августда аргентиналик футболчи Америка кубоги финалида иштирок этган Эмерсон ва Серхио Агуэро билан бирга Каталония клуби қароргоҳига келиши кутилмоқда. Аммо, Месси "Барселона" машғулотларига қўшилиши кутилмаяпти, чунки унинг клуб билан ҳали шартномаси йўқ.

Ҳозир Лионель оиласи билан бирга Ибицада дам олмоқда. Улар “Барса”нинг собиқ футболчилари - Сеск Фабрегас ва Луис Суарес билан бирга дам олишмоқда.

Месси шартномаси якунлангани боис айни дамда эркин агент ҳисобланади.