Месси гол уришда шахсий рекордини ўрнатди

Аргентина терма жамоаси ҳужумчиси ва сардори Лионель Месси жаҳон чемпионатларидаги шахсий голлар рекордини янгилади. 

"ЖЧ-2026" мусобақасининг 1/8 финал босқичида Миср дарвозасига киритилган тўп аргентиналик юлдуз учун ушбу турнирдаги саккизинчи гол бўлди. 

Илгари унинг жаҳон чемпионатларидаги энг яхши натижаси 2022 йили Қатарда ўтган мундиалда урилган етти гол эди.

Ҳозирча Месси 2026 йилги жаҳон чемпионатида ўтказган ҳар бир ўйинда гол уришга муваффақ бўлмоқда. У Миср, Кабо-Верде ва Иордания дарвозаларига биттадан гол урди, Австрияга қарши баҳсда дубль қайд этди, Жазоир билан учрашувда эса хет-трик муаллифи бўлди. 

Шу тариқа, у мусобақанинг энг яхши тўпурари учун курашда пешқадамликни қўлга олган.