Месси томонидан энг кўп жабр кўрган дарвозабонлар кимлар?

Бразилиялик дарвозабон Диего Алвес "Барселона" сардори Лионель Мессидан энг кўп гол ўтказган посбон ҳисобланади.

Алвес Испаниянинг "Альмерия" ва "Валенсия" клубларидаги фаолияти давомида Мессидан нақд 21 та гол ўтказиб юборган. Бу борада Диегодан кейинги ўринларда Горка Ираисос (19) ва Икер Касильяс (17) турибди.

33 ёшли Мессининг “Барселона”даги фаолияти давомида киритган голлари сони 644 тага етди ва у бир жамоада гол уриш бўйича Пеленинг (643) рекордини янгилади.