Месси ва Роналду ўртасидаги тарихий баҳс тугади. Ғолиб номи айтилди

Таниқли телебошловчи Пирс Морган Криштиану Роналду ва Лионель Месси ўртасидаги ўзаро рақобат 41 ёшли португалиялик футболчи фойдасига ҳал бўлганини айтди.

- Муҳим хабар. Лионель Месси Аргентина терма жамоасидаги фаолиятини 125 та гол билан якунлади. Бу футбол тарихидаги иккинчи натижа.

Криштиану Роналду Португалия терма жамоаси сафида 146 та гол урган.  Бу футбол тарихидаги энг яхши натижа.

Шу билан тарихдаги энг яхши футболчи ҳақидаги баҳслар якунланди,  - деб ёзди Пирс Морган ижтимоий тармоқда.

Аргентина терма жамоаси таркибида Месси 2022 йилги жаҳон чемпиони, 2021 ва 2024 йилги Америка кубоги ғолиби, 2022 йилги Финалиссима ғолиби, шунингдек, 2008 йилги Олимпиада чемпиони бўлган.

Криштиану Роналду эса 2016 йилги Европа чемпиони ва Миллатлар лигасининг икки карра ғолиби ҳисобланади. У миллий терма жамоалар ва Европа чемпионатлари тарихидаги голлар сони бўйича рекордларга эга.