Мессининг Руни ҳақидаги фикрлари қандай?

"Интер Майами" ҳужумчиси Лионель Месси "Манчестер Юнайтед" ва Англия терма жамоаси собиқ ҳужумчиси Уэйн Руни ҳақида гапирди.

“Мен Рунини доим ҳурмат қилганман. Мен учун у ўз даврининг  буюк инглиз футболчиси. Унинг майдонда қила оладиган нарсаси ўзига ҳос. Руни Европанинг исталган клубини кучайтира оладиган кам сонли футболчилардан бири эди", - деди аргентиналик футболчи Manchester Yunayted Forever нашрига берган интервьюсида.

Эслатиб ўтамиз, Лионель Месси 2023 йил ёзги трансфер ойнасида ПСЖдан "Интер Майами"га кўчиб ўтган эди. У жорий мавсум флоридаликлар таркибида 19 та учрашувида қатнашиб, 20 та гол урди ва 10 та голли узатмани амалга оширган. Мессининг "Интер Майами" билан амалдаги меҳнат шартномаси 2025 йилнинг декабригача имзоланган.