Моуриньо “Барса”дан ўйинчи чақиряпти

Туркия Суперлигасида “Фенербаҳче”ни бошқараётган Жозе Моуриньо жамоага европа футболида ном қозонган юлдузлардан бирини олиб келмоқчи.

Португалиялик мутахассис жамоани қабул қилиб олганидан кейин Аллан Сен-Максименнинг ўйинидан қониқиш ҳосил қилгани йўқ. Жозе Моуриньо бу футболчини кетказиб юборишга қарор қилган.

Тажрибали мураббий “Барселона”да ўйин амалиётисиз қолиб кетаётган Ансу Фатини қўлга киритмоқчи.

Аслида “Фенербаҳче” португалиялик мураббий илтимосига кўра, Фати ёзда ҳам жамоага таклиф қилганди. Лекин ўшанда испаниялик футболчи “Барселона” асосий таркибига кириш учун курашишини билдириб, чорловни қабул қилмаган.

Энди вазият ўзгарди. “Барса”бош мураббийи Ханс Дитер Флик ёш ҳужумкор футболчига барибир имкон бермаяпти.