Муай-тай. Тошкентда Ўзбекистон кубоги старт олди

Бугун пойтахтимизда жойлашган “Универсал” спорт саройида муай-тай бўйича ёшлар (қизлар) ва катталар (аёллар) ўртасида Ўзбекистон кубоги мусобақаси бошланди. Бу ҳақда Спортни ривожлантириш вазирлиги хабар тарқатмоқда.

Мазкур нуфузли мусобақада мамлакатимизнинг энг номдор спортчилари, шунингдек, халқаро турнирлар, Осиё ва жаҳон чемпионлари ғолиблик учун рингга кўтарилади. Мусобақанинг финал баҳслари 22 ноябрь куни ўтказилади.