Муҳаммад Салоҳдан зўри келади

Муҳаммад Салоҳ жорий мавсум охирида “Ливерпуль”ни тарк этиши эҳтимоли ошиб бормоқда.

Мисрлик ўйинчига Саудия Арабистони ва ПСЖдан мўмай даромадли ва узоқ муддатли шартномалар таклиф қилиняпти.

Гарчи “қизиллар” ўз тўпурарини олиб қолишга ҳаракат қилаётган бўлса-да, ҳар эҳтимолга қарши унинг ўрнини боса оладиган ўйинчи ҳам қидириляпти.

Манбаларнинг таъкидлашича, “Ливерпуль” мутасаддилари Бундеслигада “Боруссия Дортмунд” шарафини ҳимоя қилаётган Карим Адейемини нишонга олган.

Мерсисайдликлар 22 ёшли ҳужумкор футболчи учун Бундеслига вакилига 50 миллион евро тўлашга тайёр.