МЮ ҳужумчиси жамоада қолмоқчи ва рақобатга тайёр

"Манчестер Юнайтед" ҳужумчиси Расмус Хойлунд ўз келажаги борасида аниқ бир қарорга кела олмаяпти. Яқинда даниялик футболчи "Милан"га ўтишга розилик берган бўлса-да, кўп ўтмай фикрини ўзгартирди.

"Goal" нашрининг хабар беришича, Хойлунд манкунианликлар сафида асосий таркиб учун курашишни ва янги ҳужумчи Беньямин Шешко билан рақобатлашишни истаяпти. Аввалроқ, даниялик футболчи "қизил иблислар" бош мураббийи Рубен Аморим келаси мавсумда унга ишонч билдирмаслигини билгач, "Милан"га ўтишга қарор қилганди.

"Россонерилар" спорт директори Игли Таре футболчини "Милан" билан шартнома имзолашга кўндириш мақсадида яна бир неча кун Англияда қолмоқчи.

Ўтган мавсумда Расмус "Манчестер Юнайтед" сафида 52 та ўйинда иштирок этиб, 10 та гол урди ва 4 та голли узатмани амалга оширди.