МЮ Магуайрга ўринбосар топди

"Манчестер Юнайтед" ёзда жамоа билан шартномаси тугайдиган Харри Магуайрга ўринбосар топди. Бу ҳақда "DailyMail" нашри хабар бермоқда.

Манба маълумотига кўра, "қизил иблислар" Харрига ўринбосар сифатида "Ноттингем Форест" ҳимоячиси Муриллони ўз сафига қўшиб олмоқчи. Бу трансфер учун уларга "Челси" рақобат қилмоқда. Агар МЮ ЕЧЛга чиқса трансфер тезроқ амалга ошиши мумкин. 

23 ёшли ҳимоячининг ҳозирда трансфер бозоридаги нархи 55 миллион еврога баҳоланмоқда. Унинг клуб билан амалдаги шартномаси 2029 йилнинг ёзигача мўлжалланган. 

Эслатиб ўтамиз, бразилиялик футболчи жорий мавсум "ўрмончилар" сафида 21 та учрашувда майдонга тушиб, 1 та гол киритишга эришди.