МЮ Погбани сотмоқчи эмас

"Манчестер Юнайтед" клуби ярим ҳимоячи Поль Погбани қўйиб юбормоқчи эмас

Daily Mail нашри тарқатган хабарга қараганда “қизил иблислар” 26 ёшли франциялик футболчини қишки трансферлар даврида сотиб юборишни режалаштиришмаяпти. Аксинча, улар Погба билан шартномани узайтириши масаласида гаплашиб кўришмоқчи.

Эслатиб ўтамиз, Погба жароҳати сабаб сўнгги 2 ойдан буён майдонга тушмаяпти. Унга эса "Ювентус", "Барселона" ва "Реал" клубларидан жиддий қизиқишлар бор.