"Насаф" сафини кимлар тарк этди, яна кимлар жамоа сафига қўшиб олинди?

Ўзингизга маълум, янги футбол мавсуми олдида "Насаф" жамоаси таркибида ўзгаришлар юз берди.

Ўтган мавсумда "аждарлар" таркибида тўп тепган россиялик ярим ҳимоячи Иван Соловёв, ҳимоячи Дилшод Саитов, ярим ҳимоячи Шароф Муҳитдинов клубни тарк этди. Шунингдек, жамоанинг яна бир ярим ҳимоячиси Муродбек Раҳматов Навоийнинг “Қизилқум” жамоасига ижарага берилди.

Қаршиликларни тарк этган футболчилар ўрнига янги футболчилар билан шартнома имзоланганидан хабарингиз бор. Хусусан, ўтган мавсумда “Қўқон-1912” жамоасида ҳаракат қилган Жавоҳир Сиддиқов, Навоийнинг “Қизилқум” жамоасида ўйнаган ярим ҳимоячи Шуҳрат Муҳаммадиев ва Тожикистон миллий терма жамоаси аъзоси Муҳаммаджон Раҳимов клубга таклиф этилди.

Эслатиб ўтамиз, амалдаги Ўзбекистон кубоги соҳиблари хорижий йиғинни ўтказиш учун 27 январь куни Туркияга учиб кетади.

Манба: "Насаф" ПФК матбуот хизмати.