"Навбаҳор" 24 йил деганда уддалади. Наманган клуби ҳақида қизиқарли факт

Бугун Наманганнинг "Навбаҳор" клуби Ўзбекистон кубоги иккинчи ярим финал учрашуви доирасида Жиззахнинг "Сўғдиёна" клубига қарши баҳс олиб бориб, пенальтилар сериясига кўра ғалаба қозонди. 

Бу орқали "лочинлар" ўз тарихида 5-марта Ўзбекистон кубоги финалига йўлланма олди. Бунгача наманганликлар 1992, 1993, 1995 ва 1998 йиллар мусобақанинг якуний босқичига чиқишни уддалаган.

"Навбаҳор" ушбу баҳсларнинг 3 мартасида бош совринга эга чиққан бўлса, битта учрашувда мағлубиятга учраган. Қизиқарли факт шундаки, "лочинлар" Ўзбекистон кубогининг илк соҳиби ҳам ҳисобланади.

Наманган клуби мусобақа ташкил этилган 1992 йилда кубокни ўзиники қилишни уддалаган. Улар финалда "Темирйўлчи" (ҳозирги "Қўқон-1912") жамоасини пенальтилар сериясига кўра мағлуб этиб (0:0. Пенальтилар серияси - 6:5), бош совринга эга чиқишган.