Н’Голо Канте Суперлига клуби билан музокара олиб бормоқда

Франция терма жамоаси ва "Ал-Иттиҳод" клуби ярим ҳимоячиси Н’Голо Канте Европага қайтишга яқин.

Гап шундаки Туркия Суперлигаси етакчиларидан бири " Фенербахче" франциялик футболчи билан музокаралар олиб бормоқда. Таниқли инсайдер Фабрицио Романо берган хабарларга кўра, Канте ва "Фенербахче" ўртасида шахсий шартлар бўйича деярли келишувга эришилган. "Ал-Иттиҳод" билан эса музокаралар давом этмоқда. Саудия клуби футболчи учун товон пули талаб қилмоқда. 34 ёшли футболчи 2023 йилда эркин агент сифатида "Челси"дан "Иттиҳод"га кўчиб ўтган эди. Шу вақтга қадар бу жамоа сафида 101та учрашувда майдонга тушишга улгурди. 

Маълумот учун, хавбекнинг "Ал-Иттиҳод" билан амалдаги шартномаси шу йилнинг ёзида якунига етади.