Нигина Абдураимова АҚШда хитойлик теннисчини синовдан ўтказади
Ads

АҚШ пойтахти Вашингтон шаҳри WTA таснифига кирувчи Сити опен халқаро турнирга мезбонлик қилмоқда. Соврин жамғармаси 226,750 долларни ташкил этувчи ушбу турнирда ҳамюртимиз Нигина Абдураимова ҳам қатнашади.

Ҳамюртимизга ушбу турнирнинг саралаш баҳсларининг илк босқичида хитойлик Жиа-Жинг Лу рақиблик қилади. Ушбу беллашув ғолиби эса кейинги босқичда австралиялик Оливиа Роговска ва АҚШ вакиласи Луиза Чирико жуфтлиги ғолибаси билан беллашишига тўғри келади.

Маълумот ўрнида, ушбу ўйин Тошкент вақти билан соат 20:15 да старт олади.