Олтин медалларни ўзимизда олиб қолдик...

Бўстонлиқ туманида ўтказилган халқаро UCI рейтинг тақдим этувчи “Tour of Bostonliq” мусобақасининг якуний учинчи босқичи ҳам якунига етди.

Мазкур босқич 160 километр масофа бўйича анча мураккаб бўлган тоғли йўлда ўтказилди. Унда бир қанча давлатлардан чемпионлик умидида етакчи спортчилар иштирок этди. Пойгада қатнашчилар қизғин рақобат асосида ғолиблик учун ўз имкониятларини синовдан ўтказди.

Якунда Миллий терма жамоамиз аъзоси Никита Светков шоҳсупага кўтарилиб, навбатдаги олтин медални қўлга киритди. У турнирда умумий учинчи ўринни банд этиб, терма жамоамизга керакли очколарни олиб келди.

Шунингдек, аёллар ўртасидаги мусобақалар ҳам кутилганидек натижаларга бой бўлди. UCI рейтинг очколарини берувчи ушбу пойгаларда икки нафар вакилаларимиз биринчи ва иккинчи ўринлар эгасига айланди.

Жумладан, ҳамюртларимиз Шаҳноза Абдуллаева биринчи ва Мадина Қаҳҳорова иккинчи ўринни эгаллади. Учинчи ўринга эса Несрине Ҳоуили (Жазоир) муносиб кўрилди. Шу тариқа аёллар бўйича ҳам пойгаларнинг барча босқичлар якунланди.

Велоспорт бўйича терма жамоамиз вакиллари кўрсатган ажойиб натижаларни мусобақа давомида барча эътироф этди.