Ориги "Ливерпул"ни тарк этадими?

"Ливерпуль" ҳужумчиси Дивок Ориги яқин фурсат ичида клуб раҳбарияти билан учрашмоқчи эканлигини айтиб ўтди.

"Яқин вақт ичида раҳбарият билан музокара ўтказаман. Бир стол атрофида ўтириб, келажакни муҳокама қиламиз. Ҳозир эса бор эътиборимни терма жамоа ўйинларига қаратмоқчиман. Бу саволни эса мавсум сўнггида ҳал этамиз", - деди Ориги.

Маълумот учун, Оригининг мерсисайдликлар билан амалдаги шартномаси 2020 йилга қадар мўлжалланган. У жорий йилги мавсумда 22 учрашувда майдонга тушди ва 8 та гол киритиб, 2 та голли узатмани амалга оширди.