Ўрунов бугун тиббий кўрикдан ўтади

Ўзбекистонлик ярим ҳимоячи Остон Ўрунов бугун "Уфа" сафида тиббий кўрикдан ўтади. Бу ҳақда "Sport24.ru" интернет портали ёзмоқда.

Манбанинг хабар беришича, бошқирдистонликлар Ўруновни "Спартак"дан мавсум сўнгига қадар ижарага олади. Легионеримиз иккинчи бор ижара асосида "Уфа"га қайтмоқда. 

Ўруновнинг Москва клуби билан амалдаги шартномаси 2025 йилгача мўлжалланган. Россия чемпионатининг 2020/21 йилги мавсумида Остон 16та ўйинда майдонга тушган.