Ўруновнинг трансфери нега сир тутилмоқда?

Россия футболида ўзбекистонлик легионер Остон Ўруновнинг трансферига оид масалалар кенг муҳокама қилинмоқда.

19 ёшли футболчимизга “Спартак”, “Локомотив”, ЦСКА, “Зенит”, “Краснодар” каби жамоалар жиддий қизиқиш билдирмоқда. Россиянинг нуфузли нашрлари “Спартак” Ўруновни олаётгани ҳақида бонг урмоқда. Ҳатто, трансфер суммаси ва футболчимизнинг москваликлар таркибида қанча маош олишигача ахборот тарқатилмоқда. Албатта, оммавий ахборот воситалари бу маълумотларни ўзларининг клубларга яқин манбалари ёрдамида топмоқда.

Хусусан, Россиянинг энг катта ахборот агентлиги РАТА-ТАСС мухбирлари ва gazeta.ru сайти ўз манбаларига таянган ҳолда Остон Ўрунов келаси ҳафта бошида Москвага келиб, тиббий кўрикдан ўтганидан кейин “Спартак” билан шартнома имзолаши ҳақида хабар тарқатди.

Бироқ, ҳар икки клуб бу хабарни ҳозирча тасдиқлагани йўқ. Демак, вазиятни кузатишда давом этамиз.

Шомуродов ва Ўрунов - нуфузли совринга даъвогар!

Ирисметов Ўруновни танқид қилганларга кескин жавоб қайтарди!

Ўрунов “Уфа”нинг энг зўр футболчиси!

 

Матнда хатолик топсангиз, ўша хатони белгилаб, бизга жўнатинг (Ctrl + Enter)