Ўзбекистон жой олган саватча ва эҳтимолий рақиблар!

"ЖЧ-2026" 2-босқич саралшининг сўнгги турида Ўзбекистон сафарда Эронга қарши ўйнаб, бир очкони қўлга киритди. 

Учрашувда бир қатор вазиятлар юзага келган бўлса ҳам, дарвозалар ишғол қилинмади. Биласаиз, термамиз Тошкентда бўлиб ўтган беллашувда ҳам форслар билан 2:2 ҳисобидаги дурангга имзо чекканди. Ўшанда Остон Ўрунов ҳамда Сергеевнинг голлари эвазига "оқ бўрилар" камбэк амалга оширгани кўпчиликнинг эсида бўлса керак.  

Катанец 14 очко билан "E" гуруҳида иккинчи ўринни қўлга киритди. Эрондан фақатгина тўплар нисбатига кўра ортда қолдик. Қуйида термамиз кейинги босқичда жой олган саватча ҳамда вакилларимизнинг эҳтимолий рақиблари билан танишиб чиқишингиз мумкин. 



Қайд этиш лозим, ҳар бир саватчадан бир жамоа танлаб олиниб, 6 та терма жами уч гуруҳга бўлинади. Ўз квартетларида биринчи ва иккинчи ўринни қўлга киритганлари тўғридан-тўғри Мундиалга йўл олади. 

Бундан ташқари, ўз гуруҳларида учинчи ҳамда тўртинчи ўринни қўлга киритган термалар учтадан икки гуруҳга бўлинади. Икки квартетдаги биринчи поғона соҳиблари ҳам ЖЧ-2026'га чиқади. 

Бу ҳали ҳаммаси эмас. Шунингдек, 3талик гуруҳларда иккинчи ўринни олган термалар ўзаро ўйин ўтказади. Мазкур баҳс ғолиби Америка ёки Океанияда ғолиб бўлган терма билан ўтиш ўйинида иштирок этади. 

Умуман олганда, Осиёга 8.5 та йўлланма берилган. 3-босқичда иштирок этадиган терма жамоаларнинг деярли ярми Мундиалга боради, дегани бу. Шундай экан, бизда Жаҳон чемпионатига чиқиш учун ажойиб имконият бор. Осиёнинг энг кучли уч термасидан биттаси бўлган Эронга ҳар икки баҳсда мағлуб бўлмадик. Буёғига саккиз терма орасига кирсак бас. Бу миссияни уддалашимиз шарт.